The UNDP - GEF პროექტ "მდინარე მტკვრის აუზის ტრანსსასაზღვრო წყლების რესურსების ინტეგრირებული მართვის" ფარგლებში სტრატეგიული საქმედო გეგმა შეიმუშავა. პროექტი ხორციელდება საქართველოსა და აზერბაიჯანის მთავრობების: საქართველოს გარემოსა და ბუნებრივი რესურსების დაცვის სამინისტროსა და აზერბაიჯანის ეკოლოგიისა და ბუნებრივი რესურსების სამინისტროს მონაწილეობით.   

პროექტი UNDP - GEF მტკვარი II ხელმძღვანელობს სამინისტროების დონეზე შემუშავებული სტრატეგიული სამოქმედო გეგმით [Strategic Action Plan (SAP)], ხელს უწყობს მის ჯეროვნად განხორციელებას, წყლის რესურსების მართვის ინტეგრირებული გეგმის შემუშავებას და თავისი წვლილი შეაქვს ტრანსასაზღვრო მიწისქვეშა და ზედაპირული წყლების გონივრული მართვის საქმეში, რომელიც უკვე შეთანხმებულია ხსენებულ მთავრობებს შორის. 

პროექტი ხუთ კომპონენტს მოიცავს:

• მდინარის ინსტიტუციური მართვის ლეგალური ბერკეტების შექმნა და მხარდაჭერა;
• პროფესიული განვითარება და შესაძლებლობების გაზრდა წყლის მენეჯერებისთვის სხვადასხვა სექტორში;
• სტრესისა და დატვირთვის შემცირება მდინარის აუზის კრიტიკულ ზონებში;
• დაინტერესებულ და ჩართულ მხარეთა განათლება და გაძლიერება;
• მეცნიერების გაძლიერება გადაწყვეტილების მიღების პროცესში. 

ამ ხუთი ზოგადი პრიორიტეტული კომპონენტის ფარგლებში, პროექტს აქვს ძლიერი, მულტისექტორული მხარდაჭერა ორივე ქვეყნის მთავრობიდან. სამინისტროების კოორდინირებულ მუშაობას თავისი წვლილი შეაქვს ორმხრივი იურიდიული შეთანხმებების ბოლომდე მიყვანის საქმეში. 

The UNDP - GEF Kura პროექტის ბიუჯეტი 5,329,452 აშშ დოლარია. პროექტს ადგილობრივი მთავრობებისგანაც აქვს ფინანსური თანა-მხარდაჭერა. აზერბაიჯანის ეკოლოგიისა და ბუნებრივი რესურსების სამინისტრო და საქართველოს გარემოსა და ბუნებრივი რესურსების დაცვის სამინისტრო ამ პროექტის ადგილობრივი წარმომადგენლები არიან. 

პროექტის განხორციელების პერიოდი 4 წელს მოიცავს. ის საგანმანათლებლო ვორქშოფით დაიწყო 2017 წელის აპრილში და 2021 წლის თებერვალში დასრულდება. 

პროექტი ხელს უწყობს ყველა ჩართული და დაინტერესებული მხარის, მათ შორის, მთავრობების, სამოქალაქო საზოგადოების, აკადემიისა და კერძო პირების ერთი მიზნის გარშემო გაერთიანებას.